श्री गुरु गोबिंद सिंघजी अभियांत्रिकी व तंत्र शिक्षण संस्था, विष्णुपुरी, नांदेड ची विद्यार्थिनी साक्षी तेजराम ठाकरे हिची “स्कीप्सवर्फ स्लॉब, नेदरलँड्स” कंपनीत निवड

श्री गुरु गोबिंद सिंघजी अभियांत्रिकी व तंत्र शिक्षण संस्था, विष्णुपुरी, नांदेड येथील बी.टेक. यंत्र अभियांत्रिकी शाखेत अंतिम वर्षात शिकत असलेली विद्यार्थिनी साक्षी तेजराम ठाकरे हिची "Scheepswerf Slob, Netherlands" या प्रतिष्ठित कंपनीमध्ये रु.६१.०० लाख प्रतिवर्ष (म्हनजेच जवळपास रु.४ लाख + इतर सोयी प्रतिमाह) वेतनावर निवड झाली आहे.

मुलाखत प्रक्रिये मध्ये परिचय फेरी व तांत्रिक फेरी अश्या दोन फेऱ्या होत्या त्यात साक्षी तेजराम ठाकरे हिने कठोर परिश्रम, चिकाटी, बुद्धिमत्ता विभागीतील प्राध्यापकांचे मार्गदर्शन व प्राप्त केलेल्या तांत्रिक ज्ञानाच्या बळावर हे यश संपादन करून संस्थेचा नावलौकिक उंचावला आहे. हे यश SGGSIE&T परिवारासाठी अत्यंत अभिमानास्पद असून, त्याने संस्थेतील विद्यार्थ्यांसाठी प्रेरणादायी उदाहरण निर्माण केले आहे. विशेष म्हणजे या संस्थेतून मेकॅनिकल विभागाची ही पहिली आंतरराष्ट्रीय प्लेसमेंट आहे.

साक्षी तेजराम ठाकरे हिचे प्राथमिक शिक्षण एस.टी. जोसेफ हायस्कूल, नागपूर येथे झाले असून तिने अभियांत्रिकी शिक्षणासाठी श्री गुरु गोबिंद सिंघजी अभियांत्रिकी व तंत्र शिक्षण संस्था विष्णुपुरी, नांदेड ची निवड केली. ती बी. टेक. यंत्र अभियांत्रिकीच्या अंतिम वर्षात शिकत असून, तिची "Scheepswerf Slob, Netherlands" या प्रतिष्ठित कंपनीमध्ये रु.६१ लाख प्रतिवर्ष वेतनावर निवड झाली आहे.
एस.जी.जी.एस. संस्थेत प्रवेश घेतल्यापासूनच ती विविध क्षेत्रात अभ्यासाबरोबरच विविध तांत्रिक स्पर्धेमध्ये आपला ठसा उमटवत आली आहे.
1. बी. टेक. यंत्र अभियांत्रिकीच्या दुसऱ्या वर्षात तिने राष्ट्रीय स्तरावरील रोबोकॉन २०२४ (आशिया पॅसिफिक आंतरराष्ट्रीय स्पर्धा) या रोबोटिक स्पर्धेत एसजीजीएसचे प्रतिनिधित्व केलेले आहे.
2. आरएनएक्सजी या कॉलेजच्या अधिकृत रोबोटिक्स क्लबचे वित्त प्रमुख आणि मुख्य सदस्य म्हणून तिने आपली जबाबदारी पार पडली आहे.
3. पदवीच्या तिसऱ्या वर्षात स्मार्ट इंडिया हॅकेथॉन या स्पर्धेत भाग घेवून स्मार्ट इंडिया हॅकेथॉन ही स्पर्धा जिंकलेली आहे. ज्यात रोख रु. १,००,०००/- चे पारितोषिक व प्रमाणपत्र मिळवले आहे. हार्डवेअर आवृत्ती (टीम लीड).
4. ग्रँड अ‍ॅम्बेसेडर कारचे प्रदर्शन, औद्योगिक रोबोटिक्स शाखा आणि इतर अनेक विभागीय प्रकल्पात तिचा मोलाचा सहभाग होता.

संस्थेचे संचालक डॉ. मनेश कोकरे यांनी संस्थेतील विद्यार्थ्यांना तांत्रिक कौशल्या विकसित करण्यासाठी नेहमीच प्रोत्साहन व सर्व साहित्य (Project Material) संस्थेमार्फत असतात. त्याचाच परिपाक म्हणून विभागप्रमुख डॉ. एस. जोगी आणि डॉ. ए. मिश्रा यांच्या प्रेरणेतून प्रा. तिलक जाधव, प्रा. डॉ. जीत पाटील, श्री जे एस सारडा यांचे मार्गदर्शनाखाली सदर विद्यार्थिनीने हा यश संपादन केलेले आहे. हे यश SGGSIE&T परिवारासाठी अत्यंत अभिमानास्पद असून, त्याने संस्थेतील विद्यार्थ्यांसाठी प्रेरणादायी उदाहरण निर्माण केले आहे.

साक्षी तेजराम ठाकरे हिच्या या यशा बद्दल एस. जी. जी. एस. अभियांत्रिकी व तंत्रशास्त्र संस्था, विष्णुपुरी, नांदेड चे नियमक मंडळाचे अध्यक्ष श्री सुनील जी रायठठ्ठा, तंत्रशिक्षण संचालनालय मुंबई चे संचालक तथा नियामक मंडळाचे मा. सदस्य डॉ.विनोद मोहीतकर, प्रा. डॉ विक्रम गद्रे, सौ.राजश्रीताई पाटील, श्री निखिलजी मुंडले, श्री प्रशांत पौळ, श्री आशुतोष डुमरे, श्री बाबा सुखविंदर सिंघजी, डॉ. डी. डी. डोये, व डॉ. जे. व्हि. मेघा, संस्थेचे संचालक डॉ. मनेश कोकरे, सर्व अधिष्ठाता व विभाग प्रमुख, प्राध्यापक, कर्मचारी व विद्यार्थ्यांकडून मनःपूर्वक अभिनंदन केले.